ᑐᑭᖓ

ᒥᖕᖏᒋᐊᕐᓂᖅ DCS-ᒧᑦ ᐃᓕᓐᓂᐊᑎᓅᓕᖓᕗᖅ ᓄᓇᕕᒻᒥᐅᓄᑦ ᐃᓕᓐᓂᐊᒍᒪᕋᔭᕐᑐᓄᑦ ᐳᕐᑐᓂᕐᓴᕆᐊᓪᓚᒥ ᒍᐃᒍᐃᑎᑐᑦ. ᐳᕐᑐᓂᕐᓴᕆᐊᓪᓚᒥ ᐃᓕᓐᓂᐊᓂᖅ ᐱᕕᖃᕐᑎᓯᔪᖅ ᐃᓕᓐᓂᐊᑎᓂᑦ ᐃᓕᓐᓂᐊᑕᐅᔪᑦᓴᐅᔪᓂᑦ ᐃᓕᓐᓂᐊᕈᒪᔭᖏᑦᑕ ᑭᖕᖒᒪᒋᔭᕐᓂᑦ ᑐᖕᖓᕕᓕᓐᓂᒃ ᐊᑐᐃᓐᓇᖃᑦᓯᐊᖃᔭᖕᖏᓂᑯᖓᓄᑦ ᐃᓕᓐᓂᐊᑕᐅᔪᑦᓴᓂᑦ ᐃᓕᓐᓂᐊᕕᒻᒥ.
ᓴᐳᒻᒥᓗᒋᑦ ᐃᓕᒐᓱᐊᕐᓂᖏᓐᓂᑦ ᐳᕐᑐᓂᕐᓴᕆᐊᓪᓚᒧᑦ ᐃᓕᓐᓂᐊᓂᕐᒥᒃ, ᐃᓕᓐᓂᐊᑏᑦ ᐃᓕᒐᓱᐊᕐᑐᑦ DCS-ᒧᑦ ᓴᐳᒻᒥᔨᖃᕐᑎᑕᐅᒐᔭᕐᑐᑦ ᐃᓕᓐᓂᐊᒉᑦ ᐊᔪᖀᒋᐊᕐᑎᖓᓂᒃ, ᐃᓚᐅᔫᑦᓱᓂ ᐃᓱᐊᕐᓭᔨᐅᓂᕐᒥᒃ ᓱᖏᐅᑎᓴᕐᓂᑯᑦ ᑯᐯᒃᒥᑦ (OCCOQ), ᐊᒻᒪᓗ ᐱᓇᓱᑦᑏᑦ ᐃᓚᐅᔪᖁᑎᖏᑦ ᐊᐅᓚᑦᓯᓲᑦ ᐊᕐᖁᓯᐅᕆᓂᕐᒥᒃ.

 

ᐃᓕᒐᓱᐊᕐᓂᖅ (081.06)

PR1: ᐃᓕᓐᓂᐊᓃᑦ ᐊᒻᒪᓗ ᐱᔪᓐᓇᐅᑎᑖᕋᓱᐊᕐᓂᒧᑦ ᐸᕐᓀᓃᑦ ᐊᕐᖁᓯᐅᓂᖓ ᑐᑭᑖᕋᓱᐊᕐᓂᑯᑦ

ᐃᓕᓐᓂᐊᑏᑦ ᐱᔭᕇᒍᓐᓇᕋᔭᕐᑐᑦ ᐱᓇᓱᐊᕐᓗᑎᑦ ᒪᕐᕉᓂᒃ ᐃᓕᓐᓂᐊᓇᐅᔪᓂᒃ, ᐱᔭᕇᕐᓯᒪᖕᖏᐸᑕ ᐱᔭᕇᕐᑕᐅᓯᒪᕆᐊᓕᓐᓂᒃ ᐃᓚᖏᓐᓂᒃ ᐃᓕᓐᓂᐊᕋᑦᓴᓂᒃ ᐅᕝᕙᓘᓐᓃᑦ ᐃᓚᖏᓐᓂᒃ ᓱᖏᐅᑎᓴᐅᑎᓂᒃ ᐱᓇᓱᐊᕆᐊᓪᓚᕆᐊᖃᕋᔭᕐᑐᑦ.

 

ᐃᓕᒐᓱᐊᕈᑎᑦ ᐱᒍᓐᓇᐅᑎᕆᒋᐊᓕᖏᑦ

  • ᐳᕐᑐᓂᕐᓴᒥ ᐱᔭᕇᒍᓯᕐᑕᐅᒪᕆᐊᓕᒃ (SSD)
  • ᐃᓕᒐᓱᐊᕈᑏᑦ ᐱᒍᓐᓇᐅᑎᖃᓪᓗᑯᒋᐊᓕᒃ ᐳᕐᑐᓂᕐᓴᕆᐊᓪᓚᒧᑦ ᐃᓕᓐᓂᐊᕈᓐᓇᐅᑎᓂᒃ

 

ᓱᒐᒥ ᐃᓕᒐᓱᐊᕋᔭᕐᖁᖓ

  • ᐱᔭᕇᕐᓯᒪᖕᖏᓇᕕᑦ ᐊᑕᐅᓯᕐᒥᒃ ᒪᕐᕉᓂᓪᓘᓃᑦ ᐃᓕᓐᓂᐊᑕᐅᓯᒪᒋᐊᓕᓐᓂᒃ ᐃᓕᒐᓱᐊᕐᕕᒋᔭᓐᓄᑦ (PR1)
  • ᐃᓕᒐᓱᐊᕈᒪᒍᕕᑦ ᐃᓕᓐᓂᐊᑕᐅᔪᑦᓴᒧᑦ ᑐᓂᔭᐅᒪᖕᖏᑐᒧᑦ ᐃᓕᓐᓄᑦ ᐳᕐᑐᓂᕐᓴᕆᐊᓪᓚᒥᒃ ᐃᓕᓐᓂᐊᕆᐊᖕᖓᑎᓪᓗᑎᑦ (PR1)

 

ᐃᓕᓐᓂᐊᕋᑦᓭᑦ ᐊᑐᐃᓐᓇᐅᑎᑕᐅᔪᑦ

ᒥᖕᖏᒋᐊᕐᓂᖅ DCS-ᒧᑦ ᓄᓇᕕᒻᒥᐅᓄᑦ ᑐᕌᒐᖃᕐᖁᖅ ᐱᕕᖃᕐᑎᓯᑦᓱᑎᑦ ᐊᒡᒍᑐᕐᓯᒪᔪᓂᑦ. ᐃᓕᓐᓂᐊᕋᑦᓭᑦ ᐊᑐᐃᓐᓇᐅᑎᑕᐅᔪᑦ ᑭᖕᖒᒪᒋᔭᐅᔪᐃᑦ ᑐᕌᒍᑎᑦᓭᓗ ᐃᓕᓐᓂᐊᑎᓄᑦ. ᐃᓕᓐᓂᐊᑏᑦ ᑲᔪᖏᕐᓴᑕᐅᔪᑦ ᐃᓕᒐᓱᐊᕐᓂᒧᑦ ᓯᑕᒪᓂᑦ ᑕᓪᓕᒪᓂᓘᓐᓃᑦ ᐃᓕᓐᓂᐊᕋᑦᓴᓂᑦ ᐃᓕᓐᓂᐊᓇᐅᔪᓂᑦ ᐊᑐᓂ ᒪᑯᓂᖓ:

ᐃᓕᓐᓂᐊᑕᐅᓪᓗᑯᒋᐊᓖᑦ ᓯᕗᓪᓕᐹᒥ ᐃᓕᓐᓂᐊᓇᕐᒥ (ᐅᑭᐊᑦᓴᖅ):

  • ᐃᓕᓐᓂᐊᑕᐅᔪᑦᓴᖅ ᐱᔭᕇᒐᓱᐊᕐᓂᖅ ᐳᕐᑐᓂᕐᓴᕆᐊᓪᓚᒥ ᐃᓕᓐᓂᐊᓂᕐᓄᑦ ᓄᓇᕕᒻᒥᐅᓄᑦ
  • ᐃᓕᓐᓂᐊᑕᐅᔪᑦᓴᖅ ᒍᐃᒍᐃᑎᑐᑦ 1 ᓄᓇᕕᒻᒥᐅᓄᑦ
  • ᐃᓕᓐᓂᐊᑕᐅᔪᑦᓴᖅ ᒍᐃᒍᐃᑎᑐᑦ 2 ᓄᓇᕕᒻᒥᐅᓄᑦ

* ᐃᓕᓐᓂᐊᑕᐅᔪᑦᓴᖅ DCS ᓄᓇᕕᒻᒥᐅᓄᑦ ᐃᓕᑕᕆᔭᐅᕗᖅ DCS ᐃᓕᓐᓂᐊᑕᐅᔪᑦᓴᐅᑉ ᐊᑖᒍᑦ ᐱᔭᕇᕐᑕᐅᓴᕋᑕᓲᖑᑦᓱᓂ.

ᐃᓕᓐᓂᐊᑕᐅᓪᓗᑯᒋᐊᓖᑦ ᑐᖓᓕᐊᓂ ᐃᓕᓐᓂᐊᓂᕐᒥ (ᐅᑭᐅᖅ):

  • ᐃᓕᓐᓂᐊᕋᑦᓴᖅ ᓲᖑᓰᕆᐊᒍᑎ ᒍᐃᒍᐃᑎᑐᑦ ᓄᓇᕕᒻᒥᐅᓄᑦ, ᐅᖃᐅᓯᓕᕆᓂᕐᒥ ᐃᓕᓐᓂᐊᑎᑕᐅᓂᖅ

ᓂᕈᐊᕐᑕᐅᒍᓐᓇᑐᑦ ᐃᓕᓐᓂᐊᕋᑦᓭᑦ:

  • ᐊᑕᐅᓯᖅ ᒪᕐᕉᓘᓐᓃᑦ ᐃᑲᔪᕐᓯᐅᑏᑦ ᐃᓕᓐᓂᐊᕋᑦᓭᑦ
  • ᐃᓘᓐᓈᒍᑦ ᐱᒋᐅᕐᓴᐅᑏᑦ ᐃᓕᓐᓂᐊᕋᑦᓭᑦ (ᖃᓪᓗᓈᑎᑐᑦ, ᐃᙯᓕᓴᕐᓂᖅ, ᐃᓚᒋᐊᕈᑎ ᐃᓕᓐᓂᐊᕋᑦᓴᖅ)
  • ᖃᐅᔨᓂᐊᕐᓂᖅ ᐃᓕᓐᓂᐊᕋᑦᓴᖅ ᐃᓕᓐᓂᐊᑕᐅᒍᒪᔪᒥ ᐃᓂᐅᔪᒥ ᐱᒋᐅᕐᓴᑎᑕᐅᓂᖅ

*  ᐃᓕᓐᓂᐊᑕᐅᔪᑦᓭᑦ ᐊᒡᒍᑐᕐᓯᒪᓂᖏᑦ ᐃᓘᓐᓈᒍᑦ ᐱᒋᐅᕐᓴᑎᑕᐅᓃᑦ ᐱᔭᕇᕐᑕᐅᓯᐊᕐᐸᑕ ᒪᓕᑦᓱᒋᑦ ᒥᖕᖏᒋᐊᕐᓂᖅ DCS ᓄᓇᕕᒻᒥᐅᓄᑦ ᐃᓕᑕᕆᔭᐅᕗᑦ DCS ᐱᓇᓱᐊᕋᑦᓴᐅᑉ ᐊᑖᒍᑦ ᑌᒪ ᐱᔭᕇᓂᐊᕐᒪᑦ.

 

ᐃᑲᔪᕐᓯᐅᑏᑦ ᐃᓕᓐᓂᐊᑕᐅᔪᑦᓭᑦ

ᓄᓇᕕᒻᒥᐅᑦ ᐊᑐᐃᓐᓇᖃᕐᑎᑕᐅᔪᑦ ᐱᔭᕇᕐᓂᒥᒃ ᐊᑕᐅᓯᕐᒥᒃ ᒪᕐᕉᓂᓪᓘᓃᑦ ᐃᓕᓐᓂᐊᑕᐅᒋᐊᓕᓐᓂᑦ ᐱᔭᕇᕐᑕᐅᓯᒪᖕᖏᑕᒥᓂᒃ ᐳᕐᑐᓂᕐᓴᒥ ᐃᓕᓐᓂᐊᓱᑎᑦ. ᑖᒃᑯᐊ ᐃᓕᓐᓂᐊᑕᐅᔪᑦᓭᑦ ᐃᓕᓐᓂᐊᑕᐅᒍᓐᓇᑐᑦ ᐳᕐᑐᓂᕐᓴᕆᐊᓪᓚᒥ ᐃᓕᓐᓂᐊᓀᑦ ᐃᓗᐊᓂ (15-ᐱᓇᓱᐊᕈᓰᑦ ᐱᓇᓱᐊᕐᑎᑕᐅᑯᑖᕐᓂᖏᑦ).

  • ᐳᕐᑐᓂᕐᓴᖅ 4 ᓴᓇᑦᑐᓴᐅᑎᓕᕆᓂᖅ, ᐱᓪᓗᑯᒋᐊᓖᑦ ᓱᑯᐃᔦᓃᓪᓗ ᓂᕈᐊᕐᑕᐅᒍᓐᓇᑐᖅ
  • ᐳᕐᑐᓂᕐᓴᖅ 5 ᓴᓇᑦᑐᓴᐅᑎᓕᕆᓂᖅ, ᐱᓪᓗᑯᒋᐊᓖᑦ ᓱᑯᐃᔦᓃᓪᓗ ᓂᕈᐊᕐᑕᐅᒍᓐᓇᑐᖅ
  • ᐳᕐᑐᓂᕐᓴᖅ 4 ᐊᕙᑎᑦᑎᓅᓕᖓᔪᓂᒃ ᓱᑯᐃᔦᓂᖅ ᐱᓪᓗᑯᒋᐊᓕᓕᕆᓂᕐᓗ
  • ᐳᕐᑐᓂᕐᓴᖅ 5 ᑐᑭᓯᓴᕐᓂᖅ ᓱᓇᐅᓂᕐᒥᒃ
  • ᐳᕐᑐᓂᕐᓴᖅ 5 ᑐᑭᓯᓴᕐᓂᖅ ᓱᓇᑦᓴᔦᑦ ᖃᓄᐃᓕᖓᓗᑎᒃ ᐅᐊᕈᑎᒌᒍᓐᓇᒪᖔᑕ

ᐃᑲᔪᕐᓯᒋᐊᕈᑏᑦ ᐃᓕᓐᓂᐊᕋᑦᓭᑦ ᐃᓚᐅᑎᑕᐅᖕᖏᑐᑦ R ᐅᓄᕐᓂᖏᓐᓂᒃ ᐃᓕᒐᓱᐊᕈᑎᐅᒻᒪᑕ ᐃᓕᓐᓂᐊᕋᑦᓴᓄᑦ ᐃᓚᐅᒐᑎᒃ ᐃᓕᓐᓂᐊᑕᐅᓪᓗᑯᒋᐊᓖᑦ ᐱᒋᐅᕐᓴᐅᑎᓂᑦ.
ᑕᒪᒃᑯᐊ ᐃᓕᓐᓂᐊᕋᑦᓭᑦ ᐅᓐᓂᑑᑎᐅᖕᖏᑐᑦ ᐃᓕᓐᓂᐊᑎᓄᑦ ᐃᓕᓐᓂᐊᓚᐅᕐᓯᒪᖕᖏᑐᓄᑦ ᐳᕐᑐᓂᕐᓴᒥ ᐊᕐᓱᕉᓴᕐᓯᒪᔪᓐᓄᓘᓐᓃᑦ ᓴᓇᑦᑐᓴᐅᑎᓕᕆᓂᕐᒥᒃ ᓱᑯᐃᔦᓂᕐᒥᓘᓐᓃᑦ.
ᐃᓕᓐᓂᐊᑏᑦ ᐱᔭᕇᕐᓯᒪᔪᑦ ᓴᓇᑦᑐᓴᐅᑎᓂᑦ 416 ᐅᕝᕙᓘᓐᓃᑦ 514 ᐳᕐᑐᓂᕐᓴᒦᑦᓱᑎᑦ ᐃᓕᓐᓂᐊᕆᐊᓪᓚᕆᐊᑐᖕᖏᑐᑦ ᐃᓕᒐᓱᐊᕈᑎᓂ ᐃᑲᔪᕐᓯᐅᑎᓂ ᓴᓇᑦᑐᓴᐅᑏᑦ ᐃᓕᓐᓂᐊᕋᖏᓐᓂᑦ.
ᑐᑭᓯᒋᐊᑦᓯᐊᕈᒪᒍᕕᑦ, ᐅᖄᕕᖃᕈᓐᓇᖁᑎᑦ ᐳᕐᑐᓂᕐᓴᒥ ᐃᓕᓐᓂᐊᕕᒻᒧᑦ ᓄᓇᓖᓐᓂ ᑐᑭᓯᒋᐊᑦᓯᐊᕈᒪᒍᕕᑦ ᐊᑐᐃᓐᓇᐅᑎᑕᐅᔪᓂ ᐃᓕᓐᓄᑦ ᐱᓪᓗᑯᒋᐊᓕᓐᓂᒃ ᐱᓇᓱᐊᕐᓯᒪᖕᖏᑕᑎᓐᓂᑦ ᐱᔭᕇᒍᒪᒍᕕᑦ.